Einungis 29 stig skildu efstu menn að.  Snorri Þór Árnason fær greinilega þá keppni sem hann hafði talað um að vantaði.  Það hefur komið fram í viðtölum við hann bæði í fyrra og fyrir keppnina á Hellu.  Ólafur Bragi Jónsson hefur alla burði til að vinna keppnir og titla, góður ökumaður á góðum bíl.  Hafandi horft á fyrri dag keppninnar þykir fréttaritara að þessir tveir séu í algerum sérflokki, það kom vel fram í fyrstu þraut, þar sem margir fóru alla leið en með miklum refsingum.  Einnig sáust líka taktar hjá þeim báðum sem báru vott um að þessir tveir ætla sér hlutina, að fara upp.  Ég vil ekki tala niður til annarra ökumanna, en það er engin skömm að tapa fyrir þessum tveimur.

Því miður sá undirritaður ekki seinni dag keppninnar þar sem götubílarnir kepptu.  Meistari síðasta árs, Ívar Guðmundsson virðist hafa haft þetta í hendi sér.  Þeim verða gerð betri skil í mótorsport þættinum um helgina.